PYLADES

I.
PYLADES
Pantominus celebris, primus saltationis Artem, a Tragoedia et Comoedia separatem in scenam Latinam introduxit, eamque ex tribus saltationibus compositam, Tragicâ, Comicâ et Satyricâ excoluit expolivitque, ac Italicam vocavit, quod Romae primum specimen eius in Latino Theatro ediderit: Natione enim ipse Cilix fuit, ut Suidas docet. Eius ἀντίτεχνος Bathyllus fuit Alexandrinus, quem prooin primum inventorem huius saltationis Athenaeus facit, melius Aristonicô ad utrumque id laudis referente, apud Eund. Namque primi hi Pantomimos a Tragoedia et Comoedia separatos in Orchestra ostenderunt, licet non iisdem argumentis ambo claruerint; In Tragoedia enim et tragicis argumentis saltandis primas Pylades obtinebat: in Comoedia et Comicorum argumentorum desaltatione principatum sibi vindicabat Batyllus. Nec obstat, quod Italica saltatio, cuius auctores memorantur ambo, ex triplici saltationis genere, constaret, uti dictum: namque non ita ex omnibus mixta erat, ut confunderetur et ex tribus una fieret species. Sed quum omnia Tragoediarum Comoediarumque et Satyrorum argumenta prima saltare instituissent, Tragoedias, secundum tragicae saltationis leges; Comoedias vero, iuxta comicae saltationis instituta, desaltabant. Unde inter ipsos Auctores et Inventores artis facta dividia est, et in diverso saltationis genere contraria quoque factio instituta, quam ad discipulos suos et artificii per longam seriem successores uterque transmiserunt. Et quidem de Bathyllea saltatione diximus supra, Pyladea vero saltatio, gravis erat, seria, fastuosa, superciliosa et affectuum plena ac Tragica tota. Eius argumenta antiquorum Poetarum Tragoediae, Deorum Heroumque facta: personae, ut in Tragoedia, divi, duces, heroes et Reges. Athenaeus illi tribuit τὸ ὀγκῶδες, τὸ παθητικὸν καὶ τὸ πολυπρόσωπον, quod et Plutarchus facit Sympos. Problem. l. 7. c. 7. Unde saltationes Bathylleae concitatiores erant Pyladaeis, ut quae πάθη haberent, moram generantia.
Cuius rei exemplum illustre hoc est: Hylas, Pyladis huius discipulus, cum canticum quoddam saltaret, cuius clausula erat, τὸν μέγαν Α᾿γαμέμνονα, magnum Agamemnonem: sublimem ingentemque se faciebat, ut verba illa cantici exprimeret. Non tulit id Pylades atque ut eius errorem castigaret, exclamavit e cavea, Σὺ μακρὸν, οὐ μέγαν ποιεῖς, Tu longum, non magnum facis. Tunc populô cogente, ut idem canticum saltaret, cum ad eum locum pervenisset, quem reprchenderat, expressit Agamemnonem cogitantem; quod nihil magis conveniret magno Duci, quam pro omnibus cogitare. Quae μίμησις Ducis cogitantis multum habebat πάθους, sed multum etiam morae. Porro histriones Bathyllaei nudum aliquod simplexque et siccum ὑπόρχημα desaltabant, Panis: aut Echus, aut Satyri nimirum; hinc unica fere persona solum saltabat: At Pyladaei plura aliquando in uno argumento ὑπορχήματα saltabant sicque multiplex et multiformis illorum fuit saltatio. Et quum Poetarum antiquorum tragoediis saltandis operam darent, in una eademque ὑποθέσει plures plerumque personas unus et idem histrio sustinebat: quae causa, quod πολυπρόσωπος haec saltatio dicta est. Huius autem Pyladis, ut iam innui, omnes successores, Pyladae quoque dicti, idem etiam saltationis genus excoluêre; sicut Bathulli successores, Bathylii similiter appellati, Bathyllaeam saltationem exercuêre: semperque in Tragoediis Pyladae, in Comoediis Bathylli operam suam artemque collocaverunt. Mediolanensis Lapis,
THEOCRITO
AUGG. LIB.
PYLADI
PANTOMIMO
HONORATO
A SPLENDIDISSIMIS
DCIVITATIS ITALIAE
ORNAMENTIS
DECURIONALIB. ORNA.
GREX
ROMANUS
OB MERITA EIUS
TIT. MEMORAE
POSUIT.
In quo a sinistro latere virilis est effigies palliata, quae supra capud adscriptum habet, IONA: ad dextrum alia effigies chlamydata, quae sinistrâ manu lanceam gerit, dextrâ personam sive larvam attollit, cum tit. TROADAS, et supra illum, SUI TEMPORIS PRIMUS. Quibus significatur, Pyladem illum pantomimum, in his duabus Euripidis tragoediis saltandis, Ione et Troadibus, cum alios omnes aemulos vicisse, tum se ipsum superâsse et sui temporis fuisse primum. Sic Pyladae Pantomimi Hieronicae meminit alia Inscr. Pyladis quoque, Histrionis celebris, sub Marco Imperatore meminit Capitolin. in Vita huius Imperator. c. 23. etc. A Pylade vero primo comessationem Bacchis et Satyris bacchantibus saltatam, maxime commendant et celebrant illius aetatis Poetae; vel quod eam primum omnium hypothesin in Latino theatro saltaverit, vel quod in ea desaltanda ars illius maxime emicuerit. Vide Antipatri Thessalonicensis, qui Pyladem saltantem vidit et Boethi Elegiographi Epigrammata hac de re, apud Salmasium, ad Vopisc. in Carino, c. 19. Idem primus fistulas et chorum sibi saltanti ut praecinerent curavit: Nam ante illud sine fistulis et choro Pantomimi saltabant, solo adhibitô pueri canentis et tibicinis concentu. Unde ab Augusto interrogatus, quid saltationi contulisset, respondit,
Αὀλῶν συρίγγων τ᾿ ενοπὴν, ὁμαδόν τ᾿ ἀνθρώπων etc.
Vide Lucianum de Pantomimi scena et appar. ubi addit etiam citharas, cymbalorum crepitum, et ποδῶν κτόπον, de quo vide supra in voce Crupezia, et plura hanc in rem apud Salmas. d. l. ut et in voce Bathyllus.
II.
PYLADES
strophii Phocensis fil. indissolubili amicitiae vinculô cum Oreste coniunctus. Nam cum Clytemnestra, ab Aegystho adultero adiuta, Agamemnonem occidisset, Strophius Orestem adhuc puerum certissimae neci subduxit, et in regno suo una cum Pylade educavit. Posteaque cum Orestes, gratiâ vindicandae paternae mortis, matrem peremisset, eamque ob rem in furorem versus esset, Pyladem perpetuum omnium suarum profectionum comitem habuit, et socium periculorum; tantâque sese mutui amoris vehementiâ sunt prosecuti, ut alter pro altero mori non recusaret. Ovid. Pont. l. 2. El. 3. v. 45.
Adfuit insano iuvenis Phocaeus Oresti.
Idem ibidem, eleg. 6. v. 25.
Non ita vixerunt Strophiô atque Agamenmone nati.
Martialis, l. 6. Epigr. 11. v. 9.
Ut praestem Pyladen, aliquis mihi praestet Orestem.
Nic. Lloyd.

Hofmann J. Lexicon universale. 1698.

Look at other dictionaries:

  • Pylades — (rechts) auf einer Vase Pylades (griechisch Πυλάδης) ist in der griechischen Mythologie Sohn des König Strophios von Phokis und der Anaxibia, der Schwester des Agamemnon. Er war ferner der treue Gefährte und Fre …   Deutsch Wikipedia

  • Pylădes — Pylădes, 1) Sohn des Strophios u. der Anaxibia; Freund des Orestes (s.d. 1); er war von Elektra Vater des Medon u. Strophios. 2) Pantomime unter Augustus, s. Bathyllos 1) …   Pierer's Universal-Lexikon

  • Pylădes — Pylădes, im griech. Mythus Sohn des Strophios von Phokis und Agamemnons Schwester Anaxibia, Freund des Orestes (s. d. 1), dem er in allen Fährden und Nöten treu zur Seite stand, und dessen Schwester Elektra er heiratete. Die Freundschaft zwischen …   Meyers Großes Konversations-Lexikon

  • Pylades — Pylădes, Sohn des Strophios, Neffe Agamemnons, der treue Freund des Orestes (s.d.), dessen Schwester Elektra er heiratete …   Kleines Konversations-Lexikon

  • Pylades — Pylades, Verwandter u. treuer Freund des Orestes, s. d …   Herders Conversations-Lexikon

  • Pylades — PYLĂDES, æ, Gr. Πυλάδης, ου, (⇒ Tab. XXIV.) des Strophius und der Anaxibia, einer Schwester des Agamemnons, Sohn. Schol. Eurip. ad Orest. v. 764. Einige nennen sie Astyoche, Hyg. Fab. 117. oder auch wohl Cyndagora. Schol. Eurip. l. c. v. 33. Er… …   Gründliches mythologisches Lexikon

  • Pylades — Pylades,   griechisch Pylạdes, griechischer Mythos: Freund des Orest.   …   Universal-Lexikon

  • Pylades — {{Pylades}} Treuer Freund und Begleiter des Orestes*; die beiden gelten sprichwörtlich als unzertrennliches Paar …   Who's who in der antiken Mythologie

  • Pylades — In Greek mythology, Pylades (IPAEng|ˈpɪlədiːz, Gk. Πυλάδης) is the son of King Strophius of Phocis and is mostly known for his strong friend or homosexual relationship with Orestes.Orestes and PyladesOrestes had been sent to Phocis during his… …   Wikipedia

  • Pylades — /pil euh deez /, n. Class. Myth. a son of Strophius who befriended Orestes, accompanied him in his wanderings, and eventually married Electra, sister of Orestes. * * * …   Universalium

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.